John Prevo

Iech bin inne richtige Egelser jóng: geboare en getoage. In 1998 han iech de ieër gehad um Prins va Egelse te darve zieë. Iech woar doe al lid va d'r Karnavalsverein de Burgerlust 1924. Dat bin iech noe al bau 33 joar. En 10 joar doava woar iech prizzedent. 

Óch bin iech joarelank vuurzitter va de Egelzer harmenie geweë. Dat zint dinger die miech waal ligke: iech bin inne richtige vereinsmaan die geër dinger óppakt en organiseert. 

Es moezikant en karnevalist zint dat óch vereine die miech gans noa an 't hats ligke en woavuur iech mien energie gef. Doaneëve bedink  en teken iech óch vöäl karnevalsorden.

Dat aal dón iech mit vöäl sjpas en vruid, dat makt dat iech 't leëve voloét kin genete.